ಎರಡು ಮುಖಗಳು

ಬದುಕಿನ ಪ್ರತಿ ಅಡ್ಡ ದಾರಿಗೂ ಒಂದು ಕೊನೆಯಿರುವುದು
ಮುಖ್ಯ ದಾರಿಗಿರುವಂತೆಯೇ
ಪ್ರತಿ ಸುಳ್ಳಿಗೂ ಒಂದು ಬೆಲೆಯಿರುವುದು
ಸತ್ಯಕ್ಕಿರುವಂತೆಯೇ
ಪ್ರತಿ ಮೋಸಕ್ಕೂ ಒಂದು ಮೌಲ್ಯ ಸಿಗುವುದು
ಪ್ರಾಮಾಣಿಕತೆಗೆ ಸಿಕ್ಕಂತೆಯೇ
ಪ್ರತಿ ಕನಸಿಗೂ ಒಂದು ಖುಷಿಯಿರುವುದು
ನನಸಿಗಿರುವಂತೆಯೇ
ಆದರೂ...
ಅಡ್ಡದಾರಿಯಲಿ ಸುಳ್ಳಿನ ಸೆರಗನೊದ್ದು
ಮೋಸ ಮಾಡಿ ಗಳಿಸಿದ ಪ್ರತಿಯೊಂದು ಸಿಖಗಳೂ
ಏತಕೋ ಕರಗಿ ಹೋಗುತ್ತವೆ ಕನಸಿನಂತೆಯೇ
ನೋವುಗಳು ಮಾತ್ರ ಮನ ತುಂಬಿಕೊಳ್ಳುತ್ತವೆ ನನಸಿನಂತೆಯೇ